المنصورة أون لاين

منتدى لجميع الأعمار
 
الرئيسيةالبوابةس .و .جالأعضاءالمجموعاتالتسجيلدخول

شاطر | 
 

 أحلى رباعيات صلاح جاهين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عيون غامضة

avatar

عدد الرسائل : 31
العمر : 37
الموقع : المنصورة
تاريخ التسجيل : 27/03/2008

مُساهمةموضوع: أحلى رباعيات صلاح جاهين   السبت مارس 29, 2008 4:45 pm


خرج ابن آدم من العدم قلت: ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبى!!!



ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبى!!!



ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبى!!!



و الكون ده كيف موجود من غير حدود


و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود


عجبى!!!


أنا شاب لكن عمري ألف عام


وحيد لكن بين ضلوعي زحام
خايف ولكن خوفي مني أنا
أخرس ولكن قلبي مليان كلام
عجبى!!!



يا باب يامقفول ... إمتي الدخول


صبرت ياماواللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!



أحب أعيش ولو في الغابات


أصحي كما ولدتني أمي و ابات
طائر .. حيوان.. حشرة .. بشر ..بس أعيش
محلا الحياة..حتي في هيئة نبات
عجبى!!!



سهير ليالي و ياما لفيت وطفت


و ف ليله راجع في الضلام قمت شفت
الخوف ... كأنه كلب سدالطريق
و كنت عاوز أقتله .. بس خفت


عجبى!!!


كان فيه زمان سحليه طول فرسخين
كهفين عيونها و خشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبى!!!



عجبتني كلمة من كلام الورق


النور شرق من بين حروفها وبرق
حبيت أشيلها ف قلبي .. قالت حرام
ده أنا كل قلب دخلت فيه اتحرق


عجبى!!!


رقبه قزازةو قلبي فيهاانحشر


شربت كاس و اتنين وخامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبى!!!



ليه يا حبيبتي ما بيننا دايما سفر


ده البعد ذنب كبير لا يغتفر
ليه يا حبيبتي ما بيننادايما بحور
أعدي بحرألاقي غيره اتحفر
عجبي !!!



ورا كل شباك ألف عين مفتوحين


و انا وانتي ماشيين يا غرامي الحزين
لو التصقنا نموت بضربةحجر
و لوافترقنا نموت متحسرين
عجبى!!!



نوح راح لحاله والطوفان استمر


مركبنا تايهه لسه مش لاقيه بر
آه م الطوفان وآهين يا برالأمان
إزاي تبان والدنيا غرقانه شر


عجبى!!!


علي رجلي دم .. نظرت له ما احتملت


علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبى!!!



انا كل يوم أسمع ........ فلان عذبوه


أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبى!!!



ينبوع و في الحواديت أنا سمعت عنه
إنه عجيب .. و ف وسط لهاليب لكنه
شقيت كماالفرسان طريقي .. لقيت
حتي الخنازير و الكلاب شربوا منه
عجبى!!!



يا قرص شمس ما لهش قبة سما


يا ورد من غيرأرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!





ما تنسوش الردود و دي رباعية من تاليفي انا عشانكو:


عجبي علي عضو قرأ الموضوع ومسبش رد
طب قولولي ده أدعي عليه ولا أشكيه لحد
بــــحب الفضول جواه شاف التوبيك وخلع
أهو فضولك ده يابن آدم اللي نزلك من السما للأرض
.... وعجبي ! ! !
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أمير عرش الدموع
رئيس الجمهورية
رئيس الجمهورية


عدد الرسائل : 67
العمر : 39
تاريخ التسجيل : 24/03/2008

مُساهمةموضوع: رد: أحلى رباعيات صلاح جاهين   الإثنين مارس 31, 2008 12:28 am

<marquee>تسلم يا عيون بجد جميلة </marquee>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.saamaa.yoo7.com
 
أحلى رباعيات صلاح جاهين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنصورة أون لاين :: قصر ثقافة المنصورة :: الشعر والزجل والخواطر الشعرية-
انتقل الى: